Витаминка како општествено одговорна компанија ја поддржа првата хуманитарна „Праскијада”

Во Градскиот Парк во Скопје на последниот ден од месец август се одржа хуманитарниот настан насловен „Праскијада”. Праскијадата што се одржува за првпат е иницирана од хуманитарната платформа Сите сити, а целта беше собирање средства што ќе се искористат да се обезбедат оброци за 20.000 семејства кои припаѓаат на категоријата социјално загрозени.

Витаминка продолжувајќи ја својата општествена одговорност, го поддржа овој хуманитарен настан, каде беше присутна со свој штанд, кој беше полн со нашите производи од праска. Производите од праска беа достапни за продажба на присутните посетители, коишто ја дадоа својата поддршка и помогнаа во исполнување на целта.

Дополнително, со настанот се даде поддршка на земјоделците кои одгледуваат праски од регионот на Росоман. Покрај масовната поддршката од граѓаните, настанот беше поддржан и од други компании, со кои заедно се забавувавме со сите посетители, со чија помош беа собрани над 1000 донации.